Ինչպես տեղեկացրել էինք, նոյեմբերի 2-ին Կապանում կայացած «Գանձասար»-«Արարատ» հանդիպումից անմիջապես հետո խաղադաշտում 2 թիմերի ֆուտբոլիստների միջեւ քաշքշուկ էր սկսվել: ՀՖՖ կարգապահական կոմիտեն քննարկելով տեղի ունեցած միջադեպը, բավականին խիստ պատժամիջոցներ է կիրառել 2 թիմերի ֆուտբոլիստների նկատմամբ: Պատժվել են «Արարատի» 6, «Գանձասարի» 3 ֆուտբոլիստներ: 2-ական խաղով որակազրկվել են քաշքշուկի անմիջական հրահրողներ, գանձասարցի Հրայր Մկոյանն ու արարատցի Դարկո Բոնդիչը: Մեկական խաղով որակազրկվել են գանձասարցի Արթուր Ավագյանը, արարատցիներ Ստեփան Ղազարյանը եւ Գեւորգ Նռանյանը: 2 խաղով պայմանական որակազրկվել են գանձասարցի Արմեն Տատինցյանը, արարատցիներ Գալուստ Պետրոսյանը, Հովհաննես Գրիգորյանն ու Վաչագան Կարապետյանը:
«Գանձասար» ակումբը տուգանվել է 150 հազար դրամով, «Արարատը»ՙ 200 հազար դրամով:
