ՀՀ-ում «ՔՐՈՆԻՄԵՏ Մայնինգ ԲԸ»-ի ներկայացուցչություն
Հայաստանի եւ Ադրբեջանի սահմանից 200 մետր հեռավորությամբ տեղակայված Կայանը փոքր ավան է, ունի 306 բնակիչ: Շնորհիվ Կայան ավանի թիվ 1 դպրոցի տնօրենի, այդ դպրոց այսօր հաճախում են մոտ 140 աշակերտներ, որոնք գալիս են մոտակա համայնքներից: Դպրոցի աշակերտները հաջողությամբ մասնակցում են բազմապիսի մրցույթների, խաղերի եւ օլիմպիադաների ողջ հանրապետության տարածքում:
Սրանք էին հիմնական դրդապատճառները, որ ՔՐՈՆԻՄԵՏ բարեգործական հիմնադրամը 2012թ սեպտեմբերին մշակեց հատուկ աջակցության ծրագիր եւ ձեռնամուխ եղավ դրա իրականացմանը: Դպրոցին կից խարխլված շենքում նախատեսվում էր բացել նախակրթարան, ուր պետք է հաճախեին մոտ 50-60 երեխա: Սակայն շենքն ուղղակի փլվում էր, եւ վտանգավոր էր երեխաներին նույնիսկ այդ շենքին մոտիկ թողնել: Մեր խորին համոզմամբ, այս շրջանում ուսումնական հաստատությունների պայմանների բարելավումը առնվազն ինչ-որ չափով կարող էր կանխել իրենց համայնքը լքելու մարդկանց մտադրությունից:
Հիմնանորոգման աշխատանքները բաժանվեցին երկու փուլի եւ մեկնարկեցին դեռ 2012 թվականին` տանիքի հիմնանորոգմամբ: 2013 թվականի մայիսին ՔՐՈՆԻՄԵՏ բարեգործական հիմնադրամը սկսեց եւ հոկտեմբերին ավարտեց նախակրթարանի ամբողջ շենքի հիմնական նորոգումը: Այս նախաձեռնությունը կյանքի կոչելու համար ներդրվեց մոտ 40 միլիոն ՀՀ դրամ:
Կարեւորելով կրթությանն օժանդակող ծրարգրերի իրականացումը հատկապես սահմանամերձ շրջաններումՙ ՔՐՈՆԻՄԵՏ բարեգործական հիմնադրամի այս նախաձեռնությամբ երեխաների համար ստեղծվեցին իսկապես հարմարավետ եւ բարենպաստ պայմաններ ուսումը առավել արդյունավետ եւ հետաքրքրական դարձնելու համար:
ՔՐՈՆԻՄԵՏ բարեգործական հիմնադրամը ստեղծվել է 2011թ. հունիսին, հիմնադիրն է ՔՐՈՆԻՄԵՏ Մայնինգ գերմանական ընկերությունը:
