Երեկ կայացած Հայաստանի բռնցքամարտի ֆեդերացիայի հաշվետու ընտրական համաժողովում այդ կազմակերպության նոր նախագահ ընտրվեց նախկին բռնցքամարտիկ, ԱԺ «Հանրապետական» խմբակցության պատգամավոր Արթուր Գեւորգյանը: Նա այդ պաշտոնում կփոխարինի մի քանի օր առաջ հրաժարական ներկայացրած Արման Մուրադյանին:
Արթուր Գեւորգյանը մարզաշխարհին լավ հայտնի անձնավորություն է: Որպես բռնցքամարտիկ նա մասնակցել է ամառային 2 օլիմպիական խաղերի, աշխարհի եւ Եվրոպայի 4 առաջնությունների, միջազգային մրցաշարերի բազմակի հաղթող է:
