ՀՀ ազգային հավաքականի նախկին գլխավոր մարզիչ Վարդան Մինասյանի ծառայություններով հետաքրքրված է նաեւ Եկատերինբուրգի «Ուրալը»: Այս մասին armsport.am-ին տեղեկացրել է Մինասյանի գործակալ Արկադի Վասիլյանը:
Ինչպես հայտնել էինք, ղազախական «Սպարտակի» ղեկավարությունն էլ ցանկանում է թիմի ղեկը վստահել Մինասյանին: Վերջինս մոտ օրերս կստանա «ՊՐՈ» կարգի մարզչական արտոնագիր:
«Ուրալը» ՌԴ առաջնությունում 14 միավորով 14-րդ տեղում է: Հիշեցնենք, որ այս թիմում են խաղում Էդգար Մանուչարյանը, Արթուր Սարկիսովն ու Դենիս Թումասյանը:
