Հանրապետությունում առաջիկա մի քանի օրերին սպասվում է փոփոխական եղանակ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, նոյեմբերի 22-ին հանրապետության առանձին շրջաններում ժամանակ առ ժամանակ սպասվում են թույլ տեղումներ եւ մառախուղ, 23-25-ին սպասվում է առանց տեղումների եղանակ: Քամին արեւելյան` 3-8 մ/վրկ արագության, օդի ջերմաստիճանը նոյեմբերի 23-24-ին ցերեկը կբարձրանա 3-4, արեւելյան շրջաններում` 5- 7 աստիճանով:
Երեւանում նոյեմբերի 22-ին սպասվում է ամպամածություն, ժամանակ առ ժամանակՙ թույլ անձրեւ եւ մառախուղ, 23-25-ին սպասվում է առանց տեղումների եղանակ: Նոյեմբերի 22-ին կգրանցվի 11 աստիճան, նոյեմբերի 23-ին` 13, նոյեմբերի 24-ին եւ 25-ին` 14 աստիճան:
