Հավաստի տեղեկություններ են հասել, թե ծրագրեր են մշակվում Լաչինի միջանցքը միակողմանիորեն բացելու, այսինքն՝ ԼՂ-ից ելք թույլ տալու, բայց մուտք թույլ չտալու մասին. Կառավարության այսօրվա նիստում հայտարարեց Նիկոլ Փաշինյանը։
Ինչպես հայտնի է, մինչև հիմա Արցախից Հայաստան տեղափոխումը որոշ չափով թույլատրելի է եղել Ադրբեջանի կողմից՝ անհրաժեշտության դեպքում. արգելված է Հայաստանից Արցախ մարդկանց մուտքը։
Փաշինյանն էլ է հիշեցրել, որ Արցախի բազմաթիվ քաղաքացիներ չեն կարողանում Հայաստանից տեղափոխվել Արցախ, նրանց մուտքն արգելում է Ադրբեջանը։
Այստեղից առավել քան պարզ է դառնում, որ Ադրբեջանն ուզում է Արցախը հայաթափել։ Նրան Արցախը պետք է՝ առանց հայերի, հետևաբար, օգտագործում է առիթը՝ Արցախից ուզում եք դո՞ւրս գալ, արգելանք կա, բայց թույլատրել կարող ենք, սակայն հետադարձ ճանապարհ չկա։
