Պայմանը հանրաքվեի դրական արդյունքն է
Շոտլանդիան իրեն Մեծ Բրիտանիայից անկախ կհռչակի 2016 թ. մարտի 24-ին, եթե 2014 թ. նախատեսված հանրաքվեի ժամանակ անջատման օգտին քվեարկի շոտլանդացիների մեծամասնությունը: Այդ մասին հաղորդում է BBC News հեռուստաալիքը:
Անկախության հռչակման օրը մտցված է Շոտլանդիայի կառավարության պաշտոնական փաստաթղթիՙ «Սպիտակ գրքի» մեջ, որտեղ շարադրված են շոտլանդական անկախ պետության կառուցման սկզբունքները: «Սպիտակ գիրքը» հրապարակվելու է այսօրՙ նոյեմբերի 26-ին:
Անկախության հռչակման օրվանից բացի, «գրքում» մասնավորապես նշվում է, որ անկախ Շոտլանդիայի խորհրդարանի առաջին ընտրությունները կարող են անցկացվել 2016-ի մայիսին:
BBC News-ը հիշեցնում է, որ մարտի 24-ը բրիտանական կղզիներում նշվում է որպես Թագերի դաշինքի օր: 1603 թ. այդ օրը Շոտլանդիայի եւ Անգլիայի գահատոհմերը կազմեցին դաշինք, որի շրջանակներում մեկ հարյուրամյակ պաշտոնապես շարունակում էին մնալ անկախ թագավորություններ:
Շոտլանդիայի անկախության հանրաքվեն տեղի կունենա 2014 թ. սեպտեմբերի 18-ին:
