Նախագահ Օբամայի վարչությունից կոնգրեսական Ադամ Շիֆին տեղեկացրել են, որ 1923 թ.ին հայ որբերի ձեռքով գործված եւ ԱՄՆ¬ի այն ժամանակվա նախագահ Կալվին Կուլիչին որպես երախտագիտության նշան նվիրված նշանավոր գորգը հանրային ցուցադրության է ներկայացվելու առաջիկա աշնանը ծրագրված մի միջոցառման ժամանակ, Վաշինգտոնից տեղեկացնում է ՀՅԴ Հայ դատի գրասենյակը:
Այս հայտարարությունը գոհունակությամբ է ընդունվել կոնգրեսական Շիֆի եւ սենատոր Մարքիի կողմից, որոնք կոնգրեսում իրենց գործընկերների հետ կոչ էին հղել Սպիտակ տուն թույլատրելու հիշյալ գորգի ցուցադրությունը: Օբամայի վարչությունը, ըստ երեւույթին զգուշանալով թուրքական հակազդեցությունից, չէր թույլատրում Սպիտակ տան պահեստներից հանել եւ 2013-ի դեկտեմբերին Սմիթսոնյան ինստիտուտի թանգարանում հիշյալ գորգի ցուցադրության համար արտոնություն տալ:
