Մարտին Ռուսաստանի եւ Ղրիմի վերամիավորումից հետո ամերիկյան ԶԼՄ¬ների անցկացրած հարցումներից պարզվել է, որ թեեւ ամերիկացիների 2/3-ը հետեւում է Ուկրաինայի դեպքերին, նրանց մեծ մասը պատկերացում չունի, թե այնտեղ կոնկրետ ինչ է տեղի ունենում: Ավելին, ԱՄՆ քաղաքացիների գերակշիռ մեծամասնությունը չի կարողանում պատասխանել, թե որտեղ է Ուկրաինան:
Մարտի վերջերին «Վաշինգտոն փոստ» թերթը Survey Sampling International Inc. ընկերության հետ անցկացրեց ԱՄՆ բնակչության հարցում: Գլխավոր հարցը վերաբերում էր ԱՄՆ իշխանությունների հնարավոր քայլերին, բայց նաեւ պահանջվում էր քարտեզի վրա ցույց տալ Ուկրաինան: Պարզվեց, որ ամերիկացիների հազիվ 16 տոկոսն է կարողանում մոտավորապես ցույց տալ Ուկրաինայի տեղը: Հատկանշական է, որ Ուկրաինան Արեւելյան Եվրոպայում տեղադրողները ավելի լավատեղյակ էին Ղրիմի դեպքերին, քան Բրազիլիայում կամ Հնդկական օվկիանոսում տեղադրողները: Ի դեպ, մարդիկ որքան ավելի վատ էին պատկերացնում Ուկրաինայի տեղադրությունը, այնքան ավելի արմատական էին նրանց հայացքները, ընդհուպՙ ԱՄՆ¬ի ռազմական միջամտության պահանջներ:
