Մարտի 24-ին Ալպերում 150 մարդու, այդ թվումՙ 16 աշակերտի կյանք խլած ավիաղետի 10-րդ օրը գտնվել է Germanwings-ի A 320-ի երկրորդ սեւ արկղը: Մասնագետները հույս են տածում, որ արկղի վերծանումը թույլ կտա հնարավորինս ամբողջական լույս սփռել այն առեղծվածին, թե իրականում ինչ է կատարվել ժայռերին բախվելուց առաջ: Ըստ նախնական վարկածների, օդանավի կործանման կասկածյալը երկրորդ օդաչուն է, նա կասեցրել է թռիչքի հրամանատարի մուտքը խցիկ, օդանավն ուղղել դեպի հանդիպակաց ժայռը: Դյուսսելդորֆի նրա բնակարանում գտնված tablet-ը դատախազությանը հուշել է, թե նախորդ օրերին Անդրեաս Լյուբիցն ինտերնետում տեղեկություններ է որոնել ինքնասպանության իրականացման ուղիների եւ հնարավորությունների, ինչպես նաեւ օդաչուների խցիկի դռների անվտանգության մեխանիզմների մասին: Ապրիլի 2-ին հայտարարվեց, թե 27-ամյա Անդրեաս Լյուբիցը կանխավ պատրաստել է ինքնասպանությունը:
Վերջին լուրեր
Վրաստանում նախագահ կընտրեն դեկտեմբերի 14-ին
Վրաստանի խորհրդարանը հաստատել է նախագահական ընտրությունների անցկացման օրը։ Ընտրությունները կկայանան դեկտեմբերի 14-ին, իսկ երդմնակալությունը՝ դեկտեմբերի 29-ին։ Վրաստանի նախագահը կընտրվի ընտրական...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական