Արցախի ոստիկանների սպանությունը հանգեցնում է Ադրբեջանի դեմ պատժամիջոցներ կիրառելու ավելի մեծ անհրաժեշտության. Ադամ Շիֆ
Ադրբեջանական զինուժի հարձակումը, որի հետևանքով 3 արցախցի ոստիկան է զոհվել, հերթական դիտավորյալ սպանությունն է։ Վաշինգտոնը պետք է օգտագործի իր դիվանագիտական ուղիները տարածաշրջանում կայունություն հաստատելու համար. հայտարարել է ԱՄՆ կոնգրեսական Ադամ Շիֆը:
Նրա պնդմամբ՝ Արցախի ոստիկանների սպանությունը հանգեցնում է Ադրբեջանի դեմ պատժամիջոցներ կիրառելու ավելի մեծ անհրաժեշտության՝ «մարդու իրավունքների և Արցախի ժողովրդի ինքնորոշման իրավունքի խախտման համար»։
«Այս վերջին բռնությունը տեղի է ունենում հումանիտար ճգնաժամի ֆոնին, որն առաջացել է Լաչինի միջանցքի շրջափակման հետևանքով, որի հետևանքով 120,000 մարդ հայտնվել է ծանր վիճակում: ԱՄՆ-ը պետք է դատապարտի Ադրբեջանի հարձակումները Արցախի վրա և պատասխանատվության ենթարկի Ալիևի ռեժիմին. կոչ եմ անում ԱՄՆ Պետդեպարտամենտին և Բայդենի վարչակազմին օգտագործել բոլոր դիվանագիտական ուղիները տարածաշրջանում աճող անկայունությունը կարգավորելու համար»,- գրել է Շիֆը ֆեյսբուքյան իր էջում՝ ընդգծելով, որ պետք է հարգել Արցախի անվտանգությունն ու ինքնիշխանությունը։
