ԳՅՈՒՂԱԿԱՆ ՇԻՆԱՐԱՐՈՒԹՅԱՆ ԱՊԱԼԻՑԵՆԶԱՎՈՐՈՒՄ

Մ.Խ.

Այս շաբաթ խորհրդարանը քննարկեց «Լիցենզավորման մասին» օրենքի մի լրացում, որով պարտադիր լիցենզավորումից ազատվում են գյուղական բնակավայրերում կառուցվելիք մինչեւ 300 քմ-ն չգերազանցող շինարարությունը, մինչեւ երկու վերգետնյա, մեկ ստորգետնյա հարկ ունեցող անհատական բնակելի տների, 150 քմ մետրը չգերազանցող օժանդակ շինությունների, 50 քմ ընդհանուր մակերեսը չգերազանցող ավտոտնակների, 1000 քմ-ն չգերազանցող ջերմոցները, 500 քմ-ն չգերազանցող գյուղատնտեսական արտադրական նշանակության ոչ հիմնական շինությունները, 100 քմ չգերազանցող հասարակական նշանակության ոչ հիմնական շինությունների կառուցումը: Այս կարգի օբյեկտների շինարարությունն այսուհետ կկատարվի առանց լիցենզավորված կապալառուի եւ տնտեսական հսկիչի ներգրավման: Սա հնարավորություն կտա զանազան մեքենայությունների մեջ չընկնելով եւ կաշառատվությունը բացառելով գյուղական բնակավայրերում շինարարություն իրականացնել: Մնում է, որ օրենքի ընդունումից հետո այս մասին լավ իրազեկված լինեն ոչ միայն մեծահարուստ մարդիկ, այլեւ հասարակ գյուղացիները: