«Իրենց, եթե բոլորին էլ ձերբակալեն, որևիցե ձևով հիմնական օրակարգերից, խնդիրներից ՀՀ ժողովուրդը չի շեղվի, թող իրենց չգերագնահատեն: Սեյրան Օհանյանը չգալով և չստորագրելով վաղեմության հետ կապված, շատ ճիշտ քայլ է անում, նա ուզում է ցույց տալ, որ նույնիսկ դատավարության պարագայում կարող է ապացուցել, որ ազնիվ, արդար աշխատակից է եղել, և այս առումով օգնում ենք պարոն Օհանյանին»,- Աժ-ում, լրագրողների հետ ճեպազրույցի ժամանակ ասել է ԱԺ նախագահ Ալեն Սիմանյանը՝ անդրադառնալով ընդդիմության այն հայտարարությանը, թե իշխանությունները Սեյրան Օհանյանի նկատմամբ քրեական հետապնդումը սկսում են երկրի գլխավոր թեմաներից ժողովրդին շեղելու համար։
«Ազգային հերոսի» կոչում շնորհելու վերաբերյալ նա ասել է, որ այդ ինստիտուտը պետք է վերանայվի։
«Եթե ինչ-որ մեկը կամ նրա փայատերը ուսադիր ունի, դեռ չի նշանակում, որ նրանք օրենքի առաջ հավասար չեն»,-նկատել է Ալեն Սիմոնյանը։
Քպ-ական պատգամավոր Գուրգեն Արսենյանի՝ օրերս ԱԺ ամբիոնից արած հայտարարությանը՝ թե 120 հազար արցախցու համար չպետք է վտանգվի 3 միլիոն մարդու ճակատագիրը, Ալեն Սիմոնյանը լավ է վերաբերվում, էթիկայի խախտում չի տեսնում։
