Շոտլանդիայի վարչապետ Նիկոլա Ստերջենը նախատեսում է անցկացնել երկրի անկախության երկրորդ հանրաքվեն: Սակայն շոտլանդացիները նախ պետք է ապացուցեն, որ մեծավ մասամբ պաշտպանում են անկախության գաղափարը: Հանրաքվեի անցկացման հնարավորությունը գնահատելիս վարչապետը ընդգծում է, որ Անգլիայից անկախանալը Շոտլանդիայի զարգացման լավագույն տարբերակն է: Ստերջենի կարծիքով, եթե շոտլանդացիների մեծամասնությունը հավանություն տա ինքնավարության գաղափարին, ապա հանրաքվեն կկազմակերպվի ամենամոտ ժամանակներս, նշում է ՌԻԱ գործակալությունը:
Շոտլանդիայում քվեարկություն անցկացնելու մեկ այլ պատճառ կարող է դառնալ Եվրոմիությունից Մեծ Բրիտանիայի դուրս գալը: Տվյալ հարցի կապակցությամբ բրիտանացիները պետք է արտահայտվեն առաջիկա հունիսի 23-ին:
Շոտլանդիայի անկախության առաջին հանրաքվեն տեղի էր ունեցել 2014 թվականին: Այն ժամանակ ինքնավարության գաղափարը պաշտպանել էր շոտլանդացիների 45 տոկոսը: Վերջին երկու տարիներին Ստերջենի կուսակցությունը զգալիորեն ուժեղացրել է իր ազդեցությունը, դառնալով Մեծ Բրիտանիայի երրորդ քաղաքական ուժը:
