Կառավարության երեկվա նիստում վարչապետ Հովիկ Աբրահամյանը անդրադարձել է ՄԻԵԴ (Մարդու իրավունքների եվրոպական դատարան) կողմից Հայաստանից գանձվող գումարների խնդրին: Վարչապետը մասնավորաբար հանձնարարել է արդարադատության նախարարությանը, կառավարության աշխատակազմին եւ ֆինանսների նախարարությանը քննարկել եւ գույքագրել, թե ՄԻԵԴ-ի որոշումներով կառավարությունը որքա՞ն գումար է հատկացրել 2014-ին, 2015-ին եւ այս տարի: Սա փաստորեն նշանակում է, որ կառավարությունում չգիտեն, թե ՄԻԵԴ-ի որոշումներով որքան գումար են հատկացրել վերջին երեք տարիների ընթացքում: Դե, չեն հաշվել, հանձնարարություն չի եղել, իրենք էլ առանց հանձնարարության հո բան չե՞ն անում:
Վարչապետ Աբրահամյանը այս կապակացությամբ հարց է հնչեցրելՙ «Ի վերջո այդ սխալ որոշումների համար ինչ-որ մեկը պետք է պատասխան տա՞, թե՞ ոչ»: Հովիկ Աբրահամյանը, սակայն, չի մանրամասնել, թե Հայաստանում որեւէ մեկը իր սխալ որոշումների համար ի վերջո պատասխան տալի՞ս է, թե՞ ոչ:
