Ամերիկացի զինվորականները սկսել են Թուրքիայից Ռումինիա տեղափոխել ամերիկյան մարտավարական միջուկային զենքը: Այդ մասին տեղեկացնում է Euroactiv համացանցային հրատարակությունը: Նշվում է, որ ԱՄՆ-ը միջուկային զենքի պահպանման հարցում Անկարային այլեւս չի վստահում հեղաշրջման փորձից հետո երկկողմ հարաբերությունների վատացման պայմաններում: Զենքը կտեղաբաշխեն Ռումինիայի «Դեւեսելու» ռազմակայանում, որտեղ վերջերս գործարկվեց հակաօդային պաշտպանության ամերիկյան համակարգ: Տեղափոխման տեխնիկական մեծ դժվարությունները չեն կանգնեցնում ԱՄՆ-ին: «Այնքան էլ հեշտ չէ 20-ից ավելի միջուկային լիցքեր տեղափոխելը», ասել է հրատարակության աղբյուրներից մեկը: Euroactiv-ը հիշեցնում է, որ հեղաշրջման փորձի ժամանակ թուրքական «Ինջիռլիք» ռազմակայանի էլկետրամատակարարումն անջատվել էր, իսկ ամերիկյան ռազմօդանավերի թռիչքն ու վայրէջքը արգելվել էին: Ավելի ուշ ավիաբազայի պատասխանատուն ձերբակալվել էր եւ մեղադրվել խռովությանն օժանդակելու մեջ:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական