Անգլիական «Գարդիան» թերթի հաղորդմամբ, Լոնդոնում բացվել է եւ մինչեւ հոկետմբերի 22-ը գործելու է կանադահայ աշխարհահռչակ լուսանկարիչ Յուսուֆ Քարշի լուսանկարների ցուցահանդեսը: Քարշի լուսանկարչական ապարատը կարողացել է որսալ Ա. Էյնշտեյնի, Մարտին Լութեր Քինգի, Էլիզաբեթ թագուհու եւ բազմաթիվ այլ քաղաքական գործիչների, գրողների, երաժիշտների եւ գիտնականների կյանքի եզակի պահերը: Այդ շարքում գուցե ամենահայտնին Վինստոն Չերչիլի դիմանկարն է, որն իր ժամանակին հայտնվել է ինչպես «Թայմ» պարբերականի շապիկին, այնպես էլ դրոշմանիշի վրա:
Քարշի ընտանիքը Ցեղասպանությունից մազապուրծ Սիրիա է հասել, որտեղից տեղափոխվել է Քվեբեկ (Կանադա)ՙ ազգականների մոտ, աշխատելուՙ նրանց լուսանկարչատանը: Հետագայում Բոստոնում Քարշը մասնագիտացել է լույսի եւ ստվերի գաղտնիքներին ինքնուրույն մեկնաբանություն տալու գործում:
