Լիտվան խոստացել է 2023 թվականին օգնել Ուկրաինայի զինուժին զենքի և զինվորների պատրաստման հարցում
2023 թվականին Լիտվան կշարունակի ռազմական օգնություն ցուցաբերել Ուկրաինային։ Այս մասին հայտարարել են Լիտվայի պաշտպանության նախարարությունում՝ խոսելով նոր տարվա պլանների մասին։
Ինչպես ընդգծել են Բալթյան Հանրապետության ռազմական գերատեսչությունում, հիմնական շեշտը դրվելու է զենքի և ռազմական տեխնիկայի տեղափոխման, ինչպես նաև ուկրաինական բանակի անձնակազմի վերապատրաստման վրա։
Ուկրաինական կազմավորումներին զենքի և զինամթերքի փոխանցումը համարվում է Կիևի հետ ռազմական համագործակցության հիմնական ուղղությունը։ Մասնավորապես, Լիտվան նախատեսում է Ուկրաինային մատակարարել գիշերային տեսողության սարքեր, ջերմադիտակներ և անօդաչու թռչող սարքերի դեմ պայքարի միջոցներ։
Հիշեցնենք, որ 2022 թվականին Լիտվայից ակտիվորեն մատակարարվել են նաև հակադրոններ և ջերմադիտակներ։ Բացի այդ, 2022 թվականի փետրվարին Վիլնյուսը Կիևին է փոխանցել Stinger շարժական զենիթահրթիռային համակարգերի խմբաքանակ, ապրիլին՝ ծանր ականանետեր, հուլիսին՝ M-113 և M-577 զրահափոխադրիչներ։
Հայտնի է, որ Լիտվան իր տարածքում անց է կացնում նաև Ուկրաինայի զինված ուժերի անձնակազմի վերապատրաստման աշխատանքներ։ 2023 թվականին լիտվացի հրահանգիչները, երկրի ռազմական գերատեսչության պլանների համաձայն, վերապատրաստելու են 1500 ուկրաինացի զինվորականների, այդ թվում՝ 1100-ին՝ իրենց տարածքում։ Թե կոնկրետ որ ոլորտներում է իրականացվելու Լիտվայի ուսումնական կենտրոններում կադրերի վերապատրաստումը, չի հաղորդվում։
Բացի այդ, Վիլնյուսը լռում է Կիևին օգնելու մեկ այլ ոլորտի մասին, ինչպիսին է լիտվացի վարձկանների մասնակցությունը ռազմական գործողություններին՝ ուկրաինական զինուժի կազմում։
