ՔԱՄՈՒ ԷՆԵՐԳԻԱՅԻ ԿԱՅԱՆԻ ԿԱՌՈՒՑՄԱՆ ՀԱՄԱՐ ՏԱՐԱԾՔ ՏՐԱՄԱԴՐՎԵՑ ԷՄԻՐԱԹԱԿԱՆ ԸՆԿԵՐՈՒԹՅԱՆԸ

Ա. Մ.

1250 հա տարածք Գեղարքունիքի մարզի Ծաղկունք, Դդմաշեն, Զովաբեր համայնքներից եւ Կոտայքի մարզի Մեղրաձոր, Հրազդան համայնքներից առանց մրցույթի, վարձակալության իրավունքով տրամադրվելու է «Աքսես Ինֆրա Սենթրալ Էյժա Լիմիթեդ» ընկերությանը (Արաբական Միացյալ Էմիրություններ): Կառավարության երեկ ընդունած այս որոշման նպատակն է հնարավորություն ընձեռնել ընկերության կողմից ներկայացված վերականգնվող էներգիայի (քամու) կիրառմամբ էլեկտրական էներգիայի արտադրության ծրագրի համար ուսումնասիրություններ եւ գնահատումներ իրականացնել: Հարցը ներկայացնող էներգետիկ ենթակառուցվածքների եւ բնական պաշարների նախարար Աշոտ Մանուկյանը հայտնեց, որ խոսքը շուրջ 150 Մգվտ հզորությամբ քամու կայանների կառուցման մասին է, որի իրականացման համար ակնկալվում է, որ էմիրաթական ընկերությունը շուրջ 150 մլն դոլարի ներդրումներ կկատարի: