Հայկական ժողովրդական շարժում, Կենտրոնական խորհուրդ, Աթենք, 23 հուլիսի 2017
Խոր վշտով տեղեկացանք նվիրյալ հայորդիՙ Րաֆֆի Ստեփան Ինճեյանի վաղաժամ մահվան մասին, որը տեղի ունեցավ հուլիսի 21-ին, 63 տարեկանում, Ֆրանսիայում:
Հանուն տարագիր հայության ազատագրման Հայաստանի Ազատագրության Հայ Գաղտնի Բանակիՙ ԱՍԱԼԱ-յի ծնունդով եւ նախաձեռնած պայքարով Սփյուռքի տարբեր գաղթօջախների զիրար անծանոթ հայորդիներ, առանց նախապես մշակված ծրագրի կազմակերպվեցին եւ աշխարհի տարբեր ծայրերում հիմնեցին Ժողովրդային շարժումներ: Այդ նվիրյալ երիտասարդների փաղանգին է պատկանում նաեւ Րաֆֆի Ստեփան Ինճեյանն, ում համար անարդարությունը անընդունելի էր, իսկ Հայրենիքըՙ սրբություն: Րաֆֆիի ազատատենչ ոգին ու լուսանկարչական արվեստը նրան միացրին Ֆրանսիայի Հայ Ազգային Շարժման (MNA) եւ նրա պաշտոնաթերթՙ «Հայ Պայքարին»:
Հանուն իր ժողովրդի արդար դատի Րաֆֆին որոշ ժամանակ նաեւ բանտարկվեց Ֆրանսիայում, սակայն դա ոչնչով չթուլացրեց, այլ ընդհակառահըՙ ամրապնդեց նրա հավտքը իր ընտրած ուղու եւ պայքարի հանդեպ: Նույն այդ հավատքի եւ մեծ հայրենասիրության շնորհիվ, 1980-ականներին, նա հասավ մինչեւ ԱՍԱԼԱ-ի բանակավայր, իսկ ավելի ուշՙ Արցախ:
Այսօր, դժբախտաբար, լքել է մեզ սիրելի Րաֆֆի Ստեփան Ինճեյանը, մեծ ցավ պատճառելով բոլորիս:
Այս տխուր առիթով մեր խորազգաց ցավակցությունն ենք հայտնում հանգուցյալի ծնողներին, այրունՙ տկն. Քրիստինեին, որդիներինՙ Տիգրանին եւ Վանիկին, մոտ ու հեռու հարազատներին եւ պայքարի բոլոր ընկերներին:
