Ապրիլյան հերոսամարտին զոհված մեր զինծառայողների հիշատակման, երախտագիտության արտահայտման այցերը շարունակվում են: Երեկ, ապրիլի 4-ին, Եռաբլուր պանթեոնը նորից մարդաշատ էր: Ի հիշատակ մարտերում զոհված հայորդիների եռաբլուր էին այցելել նաեւ Ռամկավար Ազատական կուսակցության մի խումբ անդամներ, ովքեր ծաղիկներ դրեցին եւ իրենց խոնարհումը բերեցին անմահ հերոսների շիրիմներին:
Եռաբլուր, հերոսների գերեզմաններին իրենց խոհարումն էին բերել ՌԱԿ կենտրոնական վարչության անդամներ Գայանե Մուրադյանը, Վահե Դարբինյանը եւ Արմեն Մանվելյանը: Այցելությունը կազմակերպվել էր ՌԱԿ Ալեք Մանուկյան ակումբի անդամների նախաձեռնությամբ, ակումբի վարչության մասնակցությամբՙ գլխավորությամբ ակումբի ատենապետ Արմեն Սաքապետոյանի:
