| Հ.Ծ. Մարտի 26-ից ապրիլի 4-ը Կահիրեի «Ալ-Թահրիր Լաունգ Գյոթե» կենտրոնում գործել է հայ մեծ երգիծանկարիչ Ալեքսանդր Սարուխանի ծննդյան 120-ամյակին նվիրված միջազգային ցուցահանդեսՙ հովանավորությամբ Եգիպտոսի երգիծանկարչության ընկերության եւ երգիծանկարների թանգարանի: Այս մասին է տեղեկացնում Կահիրեում լույս տեսնող «Արեւ» պարբերականը, նշելով, որ միջոցառմանը ներկա են գտնվել Եգիպտոսում ՀՀ դեսպան Կարեն Գրիգորյանը, Կուբայի հանրապետության դեսպանՙ Տանյա Աջյար Ֆերնանտեսը, Եգիպտոսի երգիծանկարչության ընկերության նախագահ Գոմաա Ֆարահաթը, երգիծանկարների թանգարանի հիմնադիր Մուհամեդ Աբլան, Ալ. Սարուխանի ընտանիքի անդամները, միջազգային ու եգիպտական մամուլի եւ հեռուստաընկերությունների ներկայացուցիչներ: Ցուցադրվել են նույնանուն խորագիրը կրող երգիծանկարի մրցույթին մասնակցած գործերից ընտրված 60 գործեր: Մրցույթը հայտարարված է եղել 2018-ի դեկտեմբերին: Մասնակցել են 180 երգիծանկարիչներ 45 երկրներից, որոնք մրցույթին ներկայացրել են ավելի քան 250 գծանկարներ: Միակ հայ մասնակիցը եղել է տեղի Գալուստյան-Նուբարյան ազգային վարժարանի աշակերտուհի 15-ամյա Ռիտա Գեւորգյանը, որի աշխատանքը բարձր է գնահատվել Սարուխանի ընտանիքի կողմից: Ժյուրին կազմված է եղել եգիպտացի, իտալացի եւ բրազիլացի արվեստագետներից: Առաջին մրցանակը շնորհվել է կուբացի Յոմնիս Դել Թորոյին: Հինգ առանձին մրցանակներ էլ շնորհվել են եգիպտացի, իսպանացի, պորտուգալացի եւ չինացի արվեստագետ-երգիծանկարիչների:Երգիծանկարների թանգարանի հիմնադիրը ընդգծել է, որ Ալ. Սարուխանը էությամբ ոչ միայն հայ եւ եգիպտացի, այլեւ միջազգային ճանաչման արժանացած արվեստագետ է, որի անվիճելի վկայությունն է աշխարհի չորս ծագերից երգիծանկարիչների մասնակցությունը մրցույթին: Նա նաեւ հպարտությամբ արձանագրել է, որ երգիծանկարչության արվեստը հստակ բաժանված է երկու շրջաններիՙ մինչեւ Սարուխանը եւ Սարուխանից հետո:Խմբ. կողմից.- Դժբախտաբար, մրցույթին հրավիրված չեն եղել հայաստանցի երգիծանկարիչները: Կարծում ենք այդ թերացման պատճառը Եգիպտոսում Հայաստանի եւ Հայաստանում Եգիպտոսի դեսպանությունների, ինչպես նաեւ ՌԱԿ Եգիպտոսի շրջանակի անփութությունն է եղել: |
«ՍԱՐՈՒԽԱՆ ԿՎԵՐԱԴԱՌՆԱ» ԵՐԳԻԾԱՆԿԱՐՉԱԿԱՆ ՄԻՋԱԶԳԱՅԻՆ ՑՈՒՑԱՀԱՆԴԵՍ ԿԱՀԻՐԵՈՒՄ
Վերջին լուրեր
Համընդհանուր հայտարարագիրը հարկային դաշտ կբերի միայն նրանց, որոնք օրենքով պարտավոր էին հարկ վճարել, բայց չեն վճարել. Փաշինյան
Որևէ պարագայում սոցիալապես խոցելի խավի համար չի կարող համընդհանուր հայտարարագրման համակարգը լրացուցիչ որևէ հարկային կամ ֆինանսական բեռ ավելացնել, այսօր կայացած...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական