«Մինչև հիմա մենք ո՞ւմ նկատմամբ ենք քաղաքական հետապնդում իրականացրել։ Եթե մենք քաղաքական հետապնդում չենք արել քաղաքական այլ գործիչների նկատմամբ, ինչո՞ւ եք մտածում, որ մեր նախկին գործընկեր Հայկ Մարությանի նկատմամբ կանենք»,- նկատել է ԱԺ նախագահ Ալեն Սիմոնյանը՝ անդրադառնալով այն իրողությանը, որ Երևանի նախկին քաղաքապետ Հայկ Մարությանի վերաբերյալ նյութերը Հակակոռուպցիոն կոմիտեում են հայտնվել այն ժամանակ, երբ նա հայտարարել է, թե քաղաքականություն է վերադառնալու։
Ալեն Սիմոնյանն ակնարկել է, թե ինքը կուզենար, որ Հայկ Մարությանը թեկնածությունը դներ։ «Ես վստահ եմ՝ քաղաքապետի մեր թեկնածուն հաղթելու է»,- ասել է Ալեն Սիմոնյանը։
Հիշեցնենք, որ Ալեն Սիմոնյանը քաղաքապետի իրենց թեկնածու ասելով՝ նկատի ունի Տիգրան Ավինյանին։
