Ադրբեջանցի զինվորները համոզում են, որ հայ զինվորը զենքերը վայր դնի, հանձնվի, խոստանում են, որ նրան չեն ծեծի, չեն սպանի, իսկ հայ զինվորն անդրդվելի է, պատասխանումէ անվախ, համարձակ, տիրաբար։ Ռուս ռազմական լրագրող Յուրի Կոտենոկի Telegram-ալիքում հրապարակված տեսանյութում այսպիսի երկխոսություն ենք լսում։
Դեպքը տեղի է ունենում Սանասարում, 44-օրյա պատերազմի օրերին։ Ո՞վ է հայ զինվորը. մինչ օրս նրա ինքնությունը ճշտված չէ։ Ինչպե՞ս է նա միայնակ հայտնվել Սանասարում, որտե՞ղ է նրա հրամանատարը, որտե՞ղ են զինակից ընկերները։ Այս հարցերի պատասխանը ևս չկա։
Հայ զինվորի մի ձեռքին ավտոմատ կա, մյուսին՝ նռնակ։ Նա փորձում է միայնակ կանգնեցնել ադրբեջանական շարասյունը։ Ադրբեջանցիները փորձում են համոզել, որ նրան կհանձնեն երրորդ երկրի, միայն թե զենքերը վայր դնի։ Իսկ Հայ զինվորն արձագանքում է՝ կանգնեք, բոլոր ադրբեջանցիները վախկոտ են, ու կրակում է զինվորներից մեկի ուղղությամբ։ Սկսվում է փոխհրաձգություն։ Հայ զինվորը ձեռքի նռնակով իրեն պայթեցնում է։
Posted by Դավիթ Գրիգորյան on Wednesday, September 7, 2022
