ՌԴ նախագահ Վլադիմիր Պուտինը գտնում է, որ 2020թ. Հաղթանակի զորահանդեսին պետք է մասնակցեն ՀԱՊԿ երկրների ղեկավարները: ՀԱՊԿ-ի Հավաքական անվտանգության խորհրդի նիստի ժամանակ Պուտինը հայտարարել է.
«Կազմակերպության անդամ երկրների ղեկավարներին սպասում ենք Մոսկվայում, 2020 թվականի մայիսի 9-ի հանդիսություններին մասնակցելու եւ շնորհակալ ենք գաղափարին աջակցելու համար, որ ՀԱՊԿ-ի բոլոր երկրների զորակազմերը մասնակցեն Հաղթանակի զորահանդեսին Կարմիր հրապարակում:
ՀԱՊԿ երկրները պետք է միասնական հանդես գան ֆաշիզմի դեմ ԽՍՀՄ ժողովուրդների տարած հաղթանակի պանծացման գործում»:
