Քրիստոնյա հիմնադրամները Էրդողանի առաջարկով ստեղծված նոր կորոնավիրուսի համավարակի հետեւանքների դեմ պայքարի համերաշխության հիմնադրամին փոխանցումներ են կատարել։ Ինչպես ծանուցում է «Վատիկան նյուզը», հայկական եկեղեցին մոտավորապես 60 000 եվրո է նվիրաբերել, ուղղափառ սիրիաններըՙ մոտ 14 000 եվրո, Կոստանդնուպոլսի էկումենիկ պատրիարքարանի հիմնադրամըՙ 41 000 եվրո։ Թուրքիայում քրիստոնյաներն այսօր փոքրաթիվ ենՙ բնակչության կես տոկոսից ավելի նվազ, խիստ սակավաթիվ դարձած հրեական համանքն էլ պատրաստակամություն է հայտնել մասնակցել համավարակի դեմ պայքարի պետական հիմնադրամին։
Թուրքիայի նախագահ Էրդողանը մարտի 30- ին էր կյանքի կոչել «ազգային համերաշխության արշավը»ՙ խրախուսելով դրամական ներդրմամբ հարստացնել համավարակի դեմ պայքարի նպատակով ստեղծված ֆոնդը, որի գործառույթների թվում պիտի լինի նվազեցնել մարդկանց տնտեսական առօրյա հարաճուն հոգսերը։ Էրդողանը հայտարարել է, թե ինքը 7 ամսվա աշխատավարձն է փոխանցել հիմնադրամին, իրազեկում է «Վատիկան նյուզը»։
