Խոր ցավով տեղեկացանք, որ Նյու Յորքում մահացել է տիկին Արտեմիս Նազարյանըՙ կողակիցը մեծանուն բարերար, ՀԲԸՄիության բազմամյա գանձապահ Նազար Նազարյանի։ Երկար տարիներ տիկին Արտեմիսը նեցուկն ու քաջալերողն է եղել իր ամուսնու ազգաշեն ու հայրենաշեն նպատակների իրագործմանը։ Ռամկավար Ազատական ընտանիքում ծնված եւ հասակ առած հայուհին ոչ միայն բարեգործությամբ, այլեւ գործնական աշխատանքով ու հարաբերությունների մշակմամբ թիկունք է կանգնել հայանպաստ որոշ շարժումներինՙ ՀԲԸՄիության շրջանակներում, հայ եկեղեցու զորացման, Մայր աթոռ Սուրբ Էջմիածնի պայծառացման, ինչպես նաեւ Թեքեյան Մշակութային միության ծրագրերի իրականացման գործերում։
Թող թույլ տրվի մեզ ասել, որ նա «հարուստի կին» չէր պարզապես, այլ նյութական հնարավորությունները գործի, ազգային գործունեության վերածող տիրուհի, եւս առավել պատշաճՙ Նազարյան մեծՙ 400 տարվա բարեգործական վաստակ եւ պատմություն ունեցող, այնթապցիական ավանդույթները կենսունակ պահող գերդաստանի։
Նազարյան ամուրի արդյամբ ու ծախսերով կառուցված, արդիականացված, համալրված ու տեխնիկապես հանդերձավորված կրթական, բժշկական, երիտասարդական ու մշակութային կենտրոնները տարածված են ողջ հայ աշխարհում, Մայր աթոռ Սուրբ Էջմիածնից մինչեւ Երեւանի Բժշկագիտական համալսարան, Արցախի, Լիբանանի, Կիպրոսի, Միացյալ Նահանգների եւ այլ երկրների հայկական բազմաթիվ հաստատություններում, ինչպես նաեւ Ռամկավար Ազատական կուսակցության եւ «ԱԶԳ» թերթի երեւանյան գրասենյակում, որը կրում է Նազար եւ Արտեմիս Նազարյանների անունը։
Արտեմիս Նազարյանի անունը միշտ կմնա մեր մտքերում եւ հիշողության մեջ։ Խորազգաց ցավակցություններ ամուսնունՙ պարոն Նազար Նազարյանին, զավակներին, թոռներին, Բարեգործականի ու Թեքեյանի մեծ ընտանիքներին։
«ԱԶԳ»
