ՀՀ երկրորդ նախագահ, Մարտի 1-ի գործով ամբաստանյալ Ռոբերտ Քոչարյանը երեկ շատ անսպասելի, իշխանություններին հանկարծակիի բերող քայլ արեց. նախագահի փաստաբանները Սահմանադրական դատարանից հետ վերցրին 2019-ին ներկայացրած դիմումները: Հիշեցնենք, որ այդ դիմումների համաձայնՙ ՍԴ-ը դիմել էր Վենետիկի հանձնաժողովին եվ ՄԻԵԴ-ին: Միջազգային իրավական կառույցներից ստացված կարծիքները, ըստ Քոչարյանի փաստաբանական խմբիՙ երկրորդ նախագահի օգտին են եւ հնարավոր էՙ հարցը քննվեր եվ հոդվածը, որի համաձայն դատական գործ է սկսվել Ռ. Քոչարյանի նկատմամբ, համարվեր հակասահմանադրական: Պարզ է, որ հունիսի 22-ին ԱԺ-ի ընդունած Սահմանադրական փոփոխությունների մասին օրենքը հարակից այլ նպատակաների հետ մեկտեղՙ նաեւ Ռ. Քոչարյանի նկատմամբ դատաիրավական գործընթացը մինչեւ վերջ տեղ հասցնելու համար է: Զուգահեռՙ կալանքը որպես խափանման միջոցՙ 2 միլիարդ դրամ գրավով փոխարինվեց: Եվ այս համատեքստում Ռ.Քոչարյանը շախմատային անկանխատեսելի քայլ արեցՙ դիմումը ՍԴ-ից հետ վերցնելով: Ինչո՞ւ, հեռահար, կամ գուցե մոտալուտ ի՞նչ նպատակով դա արեց: Վստահաբար, նրա քայլից անակնկալի են եկել ոչ միայն իշխանությունները, այլեւ ընդդիմությունը, որը, ըստ էության, ոչ թե իր կարգավիճակից ելնելովՙ ընդդիմացավ սահմանադրական փոփոխությունների ընդունմանը, այլ փաստացի չեզոք դիրք գրավեց: Ըստ խաղի կանոնների, հաջորդ քայլն իշխանություններինն է լինելուՙ ի պատասխան Քոչարյանի շախ եւ մատի:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2025 «ԱԶԳ» վերլուծական