«Նախկինում զոհ էինք տալիս, որ մի մետր հող չկորցնենք, հիմա հող ենք տալիս, որ մարդու կյանք փրկե՞նք։
Ո՞վ է ասել, որ մեզ այսպիսի կյանք է պետք, մեզ ստրուկի կյանք պետք չէ։ Իրենք կարող են շատ բան ասել։ Ալիևն ասում է՝ Սևանն ու Երևանն էլ է Ադրբեջանինը, մենք ասելիք չունե՞նք։ Հիմա ես ո՞ւմ խոսքը հիմք ընդունեմ, Ալիևի՞։ Աղավնոյում բոլորս ապրում ենք մեր առօրյայով, մտածում եմ՝ ինչպես հերթով իրականացնել այս և մյուս ամիսների ծրագրերը։ Թող տպավորություն ստեղծվի, թե ես ռեալ չեմ նայում, ես ռեալ եմ նայում, դրա համար զիջողական դիրք չեմ ընդունում։ Եթե իրենց ավտոմատները պատրոն են կրակում, մերը հաստատ ջուր չի կրակում։ Չենք պատրաստվում ոչ մի տեղ գնալ, Փաշինյանին էլ ոչ ոք չի տվել Աղավնոն հանձնելու իրավունքը»,- հայտարարել է Արցախի Աղավնո գյուղի ղեկավար Անդրանիկ Չավուշյանը։
