ՀՈՒՍԱՆՔ ՀՀ ԱԳՆ-Ն ԿԱՐՁԱԳԱՆՔԻ

Գերմանական հեռուստատեսության առաջին ալիքը` ARD-ն կիրակի` հուլիսի 18-ին «Աշխարհի հայելի» հաղորդման շրջանակներում ցուցադրելու է «Բայրիշե ռունդֆունկի» (BR) արտասահմանցի թղթակիցների պատրաստած ռեպորտաժները, որոնցից մեկը Լեռնային Ղարաբաղի մասին է: Ամբողջական վերնագիրը «ԼՂ. վերադարձ կորուսյալ հայրենիք» արտացոլում է, որքան էլ զարմանալի է, միակողմանի պատմություն: ARD-ի Մոսկվայի թղթակից Յո Անգերերը (Jo Angerer) պատմում է, թե 1991 թվականի արյունալի հակամարտության պատճառով, որն ավարտվեց հայերի հաղթանակով, հազարավոր ադրբեջանցիներ ստիպված էին փախչել: Նրանցից շատերն այսօր էլ թշվառ պայմաններում իրենց ծածկն են գտել Բաքվի արվարձանների` փախստականների համար նախատեսված կեցավայրում: Անցյալ տարի Ադրբեջանը Լեռնային Ղարաբաղի մի մասը վերանվաճեց: Եվ հիմա շատ փախստականներ հույս ունեն, թե կվերադառնան իրենց հին «հայրենի տուն»: Ակնկալում ենք, որ Հայաստանի իշխանությունները խիստ կարձագանքեն այս միակողմանի, գութ ու խիղճ չճանաչող արծաթով ստեղծված տեսանյութին: