Խստագույնս զգուշացնում եմ ՀՀ վարչապետ Նիկոլ Փաշինյանին, Արցախի նախագահ Արայիկ Հարությունյանին, ՀՀ փոխվարչապետ Մհեր Գրիգորյանին, ՀՀ պաշտպանության նախարար Սուրեն Պապիկյանին, ՀՀ արտաքին գործերի նախարար Արարատ Միրզոյանին, ՀՀ անվտանգության խորհրդի քարտուղար Արմեն Գրիգորյանին, Արցախի անվտանգության խորհրդի քարտուղար Վիտալի Բալասանյանին, ՀՀ ազգային անվտանգության ծառայության տնօրեն Արմեն Աբազյանին, այս թեմայի հետ հնարավոր առնչություն ունեցող բոլոր բոլորին. գրել է «Համախմբում» շարժման ներկայացուցիչ, Լեհաստանում ՀՀ նախկին դեսպան Էդգար Ղազարյանը։
Չհամարձակվեք քննարկել Բերձոր միջանցքի փոփոխության որևէ տարբերակ։ Այդ միջանցքն Արցախը Հայաստանին կապող նոյեմբերի 9-ի հայտարարությամբ միակ երաշխավորված ճանապարհն է։ Կգնաք ու կգտնեք Ձեր խելքին երկրորդ մարդուն ում կհամոզվեք, որ ադրբեջանցիները Լաչինի միջանցքի 5կմ-ից դուրս իրենց բյուջեի միջոցներով, թուրքական ընկերության կողմից ճանապարհ են կառուցում հայերի համար։
Նրանք ճանապարհ են կառուցում իրենք իրենց համար, որպեսզի այդ ճանապարհով Կուբաթլուից հետագայում Սյունիքի մարզով կապ հաստատեն Նախիջևանի հետ։ Սա Արցախի վերջնական կործանումն է։ Չմոտենաք այդ խնդրին։ Չմտածեք հանկարծ, որ այսքան բան ձեզ ներվել է, սա էլ կներվի։ Ոչինչ չի ներվել ու չի ներվելու։
ԺՈՂՈՎՈՒՐԴ, ՈՏՔԻ։
Սրանք վերջնականապես կործանում են մեր երկիրը։
ՈՏՔԻ ԿԱՆԳՆԵՔ, մեծ ու փոքր, մեր ու մանուկ։ Ձեզ բնաջնջում է սպասվում»
Էդգար Ղազարյան
Տեսանյութը՝ հղումով՝ t.me/HAYELI_am/9508
