Թեքեյան մշակութային միության մատենաշարով լույս է տեսել բանասեր եւ գրականագետ Հենրիկ Բախչինյանի «Ֆրիկի բանաստեղծական ժառանգությունը» հատորը, որն ընդգրկում է 13-րդ դարի մեծ բանաստեղծ Ֆրիկի ժառանգությունըՙ բանասիրական-գրականագիտական քննությամբ: 443 էջ կազմող նորընծա գրքում ներկայացված են նշանավոր բանաստեղծի հեղինակած բոլոր բանքերի եւ հայրենների ճշգրտված բնագրերըՙ դրանց արձակ աշխարհաբար վերածումներով հանդերձ, ինչպես նաեւ ծանոթագրություններն ու մեկնաբանությունները: Ներկայացված են նաեւ Ֆրիկի կենսագրությունը, նրա ստեղծագործությունների գաղափարական բովանդակությունը, գեղարվեստական արժանիքները:
Անվարան կարելի է ասել, որ երկար սպասված այս հատորը գերազանցում է Ֆրիկին նվիրված նախկին բոլոր ժողովածուներըՙ ստեղծագործությունների ամենալայն ընդգրկումով, դրանց գիտական-հետազոտական մատուցումով:
