Ուկրաինայի նախագահ Վլադիմիր Զելենսկին անհրաժեշտ է համարում, որ Արևմուտքը պատժամիջոցներ կիրառի ռուսական էներգետիկ ռեսուրսների նկատմամբ, փակի նավահանգիստները ռուսական նավերի համար և ամբողջությամբ անջատի ռուսական բանկերը SWIFT համակարգից։
Գերմանական Die Zeit թերթին տված հարցազրույցում, որը հրապարակվել է հինգշաբթի, նա ասել է. «Եթե խոսենք պատժամիջոցների մասին, ապա՝ առաջին հերթին նավթի, նավթամթերքի և գազի մասին։ Աշխարհի նավահանգիստները պետք է փակվեն ռուսական նավերի համար, բեռնափոխադրող ընկերությունները պետք է դադարեցնեն բեռներ ուղարկել և ստանալ Ռուսաստանից, ռուսական բանկերի համար SWIFT-ից անջատվելու բացառություններ չպետք է լինեն»:
«Եթե դուք դա չանեք հիմա, ապա ավելի ուշ ստիպված կլինեք անել ավելին, որպեսզի ռուսական ներխուժումից փրկեք մերձբալթյան երկրները, Մոլդովան, Վրաստանը և այլ երկրներ, որոնք Ռուսաստանի հարևաններն են։ Շատ կարևոր է նաև, որ արևմտյան երկրները վերջապես որոշեն, թե ինչպես ստեղծել մարդասիրական ոչ թռիչքային գոտի Ուկրաինայի վրայով»,- ասել է Զելենսկին։
