«Ինձ իրենք ահ տալ չեն կարող, ես միայն Աստծուց եմ վախենում»․ Տեր Օշինի արձագանքը պատասխանել է ԱԺ փոխնախագահ Ռուբեն Ռուբինյանին։
«Ես միայն Աստծուց եմ վախենում, ինձ իրենք ահ տալ չեն կարող»․ այսպես է արձագանքել Տեր Օշինը «Կարևորը քավորը նորմալ տղա լինի, թասիբով տղա լինի, նկատի ունեմ՝ Քպ-ական չլինի» իր խոսքերի շուրջը ծագած աղմուկին։
ԱԺ փոխնախագահ Ռուբեն Ռուբինյան-ը ֆեյսբուքյան իր էջում գրել է, թե օրերս Սաղմոսավանքի հոգևոր հովիվ Տեր Օշինը իրեն ծանոթ մի երիտասարդ զույգի, որը պատրաստվում է պսակադրվել, ասել է․ «Կարևորը քավորը նորմալ տղա լինի, թասիբով տղա լինի, նկատի ունեմ՝ ՔՊ-ական չլինի»։
Ռուբինյանը հավելել է․ «Միայն սրա համար պառակտիչ Կտրիճ Ներսիսյանը պիտի դուրս շպրտվի Եկեղեցուց՝ իր բարեկամների հետ միասին։ Իսկ Տեր Օշինին խորհուրդ եմ տալիս խելքը գլուխը հավաքել»։
Euromedia24-ի հետ զրույցում Տեր Օշինը նշել է. «Ես ցավում եմ, որ, լինելով Սաղմոսավանքի հոգևոր հովվի ժառանգ, նա իրեն թույլ է տալիս Վեհափառ Հայրապետին ավազանի անունով դիմել և ընդհանրապես խառնվել եկեղեցու գործերին։ Իրեն էլ հստակ ասում եմ՝ ես միայն Աստծուց եմ վախենում, ինձ իրենք ահ տալ չեն կարող»։
Տեր Օշինը նաև հավելել է, որ եթե իրենց վրա են վերցրել ասվածը, ինքը ասելիք չունի, իսկ եթե Ռուբինյանը ասելիք ունի, ապա «իր տեղը գիտի»։
Երեկ Ռուբեն Ռուբինյենը մեկնել է Սաղմոսավանք՝ հանդիպելու տեր Օշինին ու նրա ասածների համար «հաշիվ պահանջելու»։ Տեր Օշինն էլ չի հերքել, որ այդպիսի բան է ասել։
