Երեւան-Գյումրի ավտոճանապարհին՝ Լանջիկ գյուղի մոտակայքում, օգոստոսի 14-ին ողբերգական ավտովթարի հետեւանքով զոհված արցախցի Հելեն Դադայանի աճյունն Արցախ տեղափոխելու հարցով Միջազգային եւ համեմատական իրավունքի կենտրոնի նախագահ Սիրանուշ Սահակյանը. NEWS.am-ի հետ զրույցում հայտնել է Սիրանուշ Սահակյանը:
Սահակյանը նշեց, որ Հելենի աճյունը Արցախ տեղափոխելու համար Ադրբեջանը առաջ է քաշում քաղաքական պայմաններ.
«Ոչ օրինական պահանջ է ներկայացվում, որ տրամադրվող փաստաթղթերում տեղանունները մատնանշված լինեն ադրբեջանական անվանումներով: Կամ որպես տեղափոխման վերջնակետ մատնանշված լինի ոչ թե Արցախի Հանրապետությունը այլ Ադրբեջանի Հանրապետությունը: Ընտանիքը առնչվում է պետություններին եւ այդ հարցերն էլ իրենց բնույթով միջպետական ու քաղաքական են, որոնք չեն կարող ազդել մարդու իրավունքների պաշտպանվածության վրա, ուստի մեր նպատակն է՝ դատարանի ներգրավվածությամբ պահանջ ներկայացվի Ադրբեջանին՝ առանց քաղաքական եւ այլ բնույթի պահանջների՝ ապահովել դիի տեղափոխումն ու հանձնումն ընտանիքին՝ հուղարկավորելու նպատակով»:
Սիրանուշ Սահակյանն ասաց, որ վաղը արդեն դիմումը կուղարկեն դատարան, եւ ըստ պրակտիկայի, մինչեւ 1 շաբաթը ակնկալվում է, որ դատարանը կպատասխանի դիմումին:
