Մեկ ամիս առաջ նամակ եմ ուղարկել Ադրբեջանի ՄԻՊ-ին, սակայն դեռ պատասխան չեմ ստացել: Այս մասին կառավարության նիստից հետո լրագրողների հետ զրույցում ասաց Անահիտ Մանասյանը:
Անդրադառնալով Արցախում հումանիտար աղետի առնչությամբ միջազգային կառույցների արձագանքին՝ Մանասյանը նշեց, որ այստեղ կարիք կա գործուն քայլեր ձեռնարկելու. «Շատ կարևոր է, որպեսզի միջազգային դերակատարները նաև գործուն քայլեր ձեռնարկեն՝ խնդիրը կարգավորելու ուղղությամբ: Մենք չենք կարող ժամանակակից աշխարհում խոսել առնվազն երաշխավորված իրավունքների մասին: Մենք պետք է ունենանք հիմնարար իրավունքների լիակատար պաշտպանություն եւ երաշխավորում»:
