Ռուբեն Վարդանյանին Ադրբեջանի դատարանը կալանավորել է 4 ամսով. տեղեկացնում է ՌԻԱ «Նովոստի»-ն:
«Աահաբեկչության ֆինանսավորման» հոդվածով Վարդանյանին սպառնում է մինչև 14 տարվա ազատազրկում: Ռուբեն Վարդանյանը մեղադրվում է Ադրբեջանի քրեական օրենսգրքի երեք հոդվածով:
Նրան մեղադրանք է առաջադրվել «ահաբեկչության ֆինանսավորման», «զինված խմբավորումների ստեղծմանը և գործունեությանը մասնակցելու», «պետական սահմանի ապօրինի հատման վերաբերյալ»: Դատարանի որոշմամբ նրա նկատմամբ խափանման միջոց է ընտրվել կալանավորումը։
Հիշեցնենք, որ սեպտեմբերի 27-ին Արցախի նախկին պետնախարար Ռուբեն Վարդանյանը փորձել է Արցախից տեղափոխվել Հայաստան, սակայն Հակարի կամրջի անցակետում ադրբեջանցիները նրան ձերբակալել են ու գերեվարել։
Այսօր հրապարակել են նոր կադրեր, թե ինչպես է Ռուբեն Վարդանյանը ձեռնաշղթաներով տարվում հարցաքննության և բանտախուց։
