Նվաստացում, նվաստացում, նվաստացում…
Երեկ ադրբեջանցիները նկարահանել էին, թե ինչպես են հյուծված, թուլացած հայ տատիկին բաժակով ջուր տալիս ու տեսանյութը տարածել սոցցանցերով՝ ցուցադրելով իրենց «անսահման գթասրտությունն ու մարդասիրությունը», այսօր էլ նկարահանել են, թե ինչպես են հաց ու թխվածքաբլիթ բաժանում հայ երեխաներին։
Իսկ ինչո՞ւ են հայ երեխաները լցվել ավտոմեքենան, ո՞ւր են գնում, դրա մասին, իհարկե, տեսանյութում ոչինչ չկա։
Ադրբեջանցի ոստիականը կանգնեցրել է այն ավտոմեքենան, որը տեղափոխում է իր իսկ զենքի ուժով Արցախից, իրենց բնօրրանից, հողից, տնից, ծննդավայրից, Հայրնիքից բռնի տեղահանվող հայ երեխաներին։ Ու, այո՛, գուցեև սովա՛ծ հայ երեխաներին, որոնք դարձյալ իր հայատյացության ու բարբարոսության պատճառով 9 ամիս մարդավայել չեն սնվել, հաց չեն կերել, մոռացել են քաղցրի համը։
Սովի մատնած, սեփական տնից զրկած, Հայրենիքից ու արմատից կտրած, մանկությունը խլած, ապագան խորտակած գիշատիչ ադրբեջանցի ոստիկանը հաց է բաժանում հայ երեխաներին։
Մի ձեռքով խեղդում, գլխատում է հայ մանկանը, մյուսով՝ հաց բաժանում, երբ տեսախցիկը միացված է։
Հայ երեխաների, արցախցիների արյունով հունցված հաց…
Ո՞ւր հասանք…
