Կան որոշ մարդիկ, հաստատություններ կամ ժողովուրդներ, որոնք առնչվում են պարզ խնդրի հետ, կարծես այն անհասկանալի է, և ճշմարտությունն ընդունելու փոխարեն նրանք կույր և ստեղծագործ են այն արդարացնելու հարցում:
Գաղափարը հետևյալն է և պարզ. Եթե հայտնաբերում եք, որ մեռած ձիու վրա եք նստում, լավագույն և ամենապարզ լուծումը նրանից իջնելն ու թողնելն է, բայց իրականությունն այլ է ոմանց մոտ:
Կան մարդիկ, հիմնարկներ կամ ժողովուրդներ, որոնք ձիուց իջնելու փոխարեն այլ միջոցներ են ձեռնարկում, օրինակ.
1. Գալիս են նոր թամբով։
2. Ձիու համար անասնակեր են բերում։
3. Փոխում են հեծյալին, ով նստում է:
4. Հեռացնում են իրեն խնամող աշխատակցին ու նրա փոխարեն նոր աշխատող են բերում։
5. Նրանք հանդիպումներ են անցկացնում՝ քննարկելու ձիու արագությունը բարձրացնելու ընթացակարգերը:
6. Հանձնաժողովների և աշխատանքային խմբերի ձևավորում՝ սատկած ձիուն ուսումնասիրելու և խնդիրը վերլուծելու համար Հանձնաժողովն աշխատում է ամիսներ շարունակ, այնուհետև ներկայացնում է մեռած ձիու վերաբերյալ հաշվետվություններ և լուծումներ:
7. Ի վերջո, հանձնաժողովները հանգում են նույն եզրակացությանը՝ ի սկզբանե հայտնի՝ «Ձին սատկել է»։
8. Բայց բոլոր ջանքերի, ռեսուրսների և ժամանակի վատնած ատեն նրանք չեն ցանկանում ասել ճշմարտությունը, և արդարացման համար ձին համեմատում են նման մեռած ձիերի հետ և խորհուրդ են տալիս, որ ձին մեռած է, քանի որ այն չունի մարզում և կարիք ունի վերապատրաստման դասընթացի։
9. Այս դասընթացը պահանջում է ձիերի բյուջեի ավելացում:
10. Ի վերջո, նրանք վերասահմանում են «մեռած» բառը, որպեսզի համոզեն իրենց, որ ձին դեռ կենդանի է:
Առակս զի՞նչ ցուցանե.
Մեր Հայրենիքի Ազգային Ժողովին մեջ գոյություն ունեցող «ընդդիմություն»-ը սատկած է: Նույնպես սատկած են այս պահուն Հայաստանի մեջ «ընդդիմություն» խաղցող զարմանազան շարժումները իրենց ղեկավարներով հանդերձ:
Վերի տեսությունից քաղված դասը ցույց է տալիս, թե մեր հավաքականության մեջ, որքան շատ մարդիկ կան, ովքեր գերադասում են մնալ իրականության ժխտման մեջ և իրենց ժամանակն ու ջանքերը վատնել ձախողված փորձերի մեջ՝ խնդիրն ի սկզբանե ճանաչելու և դրան անդրադառնալու փոխարեն:
Հետեվաբար պետք է ամեն գնով փոխել մեր երկրին մեջ իբր թե առկա ընդդիմության ներկա մոտելը կամ արդեն վաղուց սատկած ձին, և ընդդիմության գործելաձեւի մասին մեր թյուր հասկացողությունը՝ քանի ուշ չէ: Պետք է նախ և առաջ սկսիլ ԱԺ «ընդդիմադիր» խմբակցություններու անդամ պատգամավորներուն զանգվածային և հանկարծակի հրաժարականի օրինակով:
ՍԵՎԱԿ ՀԱԿՈԲԵԱՆ
Լիբանանի «ԶԱՐԹՕՆՔ» օրաթերթի
Գլխավոր Խմբագիր
