Լյարդը մեր օրգանիզմի «զտիչ կայանն է», որը մաքրում է թունավոր, վնասակար նյութերը։
Լյարդը նաև նպաստում է նյութափոխանակությանը, ճարպերի, սպիտակուցների, ածխաջրերի յուրացմանը։
Բժիշկները խորհուրդ են տալիս լյարդը մաքրել հետևյալ մթերքներն օգտագործելով.
Խնձոր։ Խնձորը գերադասելի է օգտագործել կեղևով, քանի որ այն օգնում է օրգանիզմից դուրս բերել ծանր մետաղները։ Խնձորը նաև թթու է պարունակում, որը արյունը տոքսիններից ու կոնցերոգեններից մաքրելու բնական միջոց է։
Բրոկոլի։ Չմշակված վիճակում բրոկոլին շատ ավելի օգտակար է, սակայն նույնիսկ ջերմային մշակման ենթարկվելու դեպքում այն չի կորցնում իր հատկությունները։ Այս բանջարեղենը մեծ քանակով մանրաթելեր, հակաօքսիդանտներ է պարունակում, որոնք օրգանիզմից հեռացնում են տոքսինները, կոնցերոգենները։
Սոխ։ Այն կարող եք օգտագործել ինչպես՝ թարմ, այնպես էլ՝ մշակման ենթարկված վիճակում։ Այն պարունակում է ֆլավոնոիդներ, ֆիտոնուտրիետներ և կալիում, որոնք օգնում են օրգանիզմից դուրս բերել քիմիական նյութերը։
Սխտոր։ Թարմ և մշակման ենթարկված սխտորը սելենի հրաշալի աղբյուր է, որը լյարդին օգնում է դետոքսիկացիայի գործընթացում։
Կիտրոն։ Թարմ կիտրոնը կամ դրա հյութը լյարդին օգնում են ֆերմենտներ արտադրել, որոնք էներգիա են հաղորդում ու նպաստում նյութափոխանակությանը։
Բազուկ։ Բազուկը բազմաթիվ սննդարար բաղադրիչներ է պարունակում, որոնք օրգանիզմից դուրս են բերում տոքսինները։ Բացի այդ՝ բազուկն օգնում է մաքրել արյունը։
Լյարդը մաքրում և այդ օրգանի աշխատանքին նպաստում են նաև ձիթայուղը, քրքումը, ավոկադոն, կաղամբը, սպանախը, դդվի, կտավատի սերմերը, ընդեղենը։
