Պատգամավորական մանդատ ստացա, բայց քրգործը չի փակվել, շարունակվում է, հարցաքննություններ, առերեսումներ և այլն, ինչքան էլ աբսուրդային է, բայց ամեն դեպքում շարունակվում է. ԱԺ-ում լրագրողների հետ ճեպազրույցում ասաց «Հայաստան» խմբակցության պատգամավոր Լևոն Քոչարյանը։
Ինձ առաջադրված մեղադրանքը նրանում է, որ մի քանի ոստիկան կեղծ ցուցմունք են տվել, որը ոչ տեսանյութերով, ոչ այլ ցուցմունքներով, ոչ էլ դատաքննական փորձաքննություններով չի հաստատվել։ Ասել են՝ իբր ես իրենց հարվածել եմ։ Կա մի քանի ձայնագրություն, որտեղ իրենց ասածները չեն հաստատվում»,- նշեց պատգամավորը։
Լևոն Քոչարյանի խոսքով վերջին շրջանում ընդդիմության ներկայացուցիչների նկատմամբ հիմնականում կիրառվում է կալանքը որպես խափանման միջոց կիրառելը, ինչը, ըստ նրա, անհասկանալի է։
