Հայաստանի Թեքեյան մշակութային միությունը ներկայացնում է armtmm.com կամ armtmm.am նորաստեղծ կայքը։
Այս հարթակում ներկայացված են Հայաստանի Հանրապետության ժողովրդական նկարիչների, ժողովրդական վարպետների, ժամանակակից ստեղծագործողների աշխատանքները։ Կայքն արվեստի տարբեր ոլորտների ստեղծագործությունները ոչ միայն ներկայացնելու, այլև վաճառելու հնարավորություն է ստեղծում։ Օնլայն ցուցասրահում տեղ գտած աշխատանքները նաև առաքվելու են գնորդներին՝ աշխարհի ցանկացած երկիր։
Մշակութային ցուցասրահում ներկայացված են գեղանկարներ, քանդակներ, ասեղնագործ իրեր, ազգային տարազներ, երաժշտական գործիքներ, զարդեր, կերամիկական նախշազարդ սպասք։ Բոլոր ստեղծագործությունները հեղինակային են, ձեռագործ, հաճախ՝ յուրաքանչյուր աշխատանքից մեկ բացառիկ օրինակ։ Մեր վարպետները վերականգնել են հայկական զարդարվեստի նմուշները և դրանք օգտագործել կիրառական արվեստի ձեռագործ նմուշներում։
Հայաստանից դուրս ապրող մեր հայրենակիցներն ու օտարազգի արվեստասերները կարող են ոչ միայն ծանոթանալ ժամանակակից հայ արվեստի գործերին, այլև դրանք ձեռք բերել ու կարճ ժամանակում ստանալ՝ որպես անձնական սեփականություն։
Armtmm.com կայքն ունի լրատվության բաժին, որտեղ Հայաստանում ու աշխարհում կատարվող կարևոր իրադարձությունների մասին հակիրճ տեղեկություններ են ներկայացված ։
Կայքի տոհմագրության բաժինն այցելուին հնարավորություն է տալիս բացահայտել իր նախնիների պատմությունը, ծանոթանալ տոհմի արմատներին, ճանաչել իր ծագումը։ Կայքն առաջարկում է տոհմագրական ծառայություն, այսինքն՝ անձը կարող է ոչ միայն իմանալ իր տոհմի պատմությունը, այլև ստանալ իր նախապապի, նախատատի, մի քանի սերունդ առաջ ապրած ազգականի վերաբերյալ տեղեկություններ՝ ծննդյան, ամուսնության, առհասարակ, ճակատագրին վերաբերող տեղեկություններ ու փաստաթղթեր։
Ցանկության դեպքում անձի համար կարող է պատրաստվել իր տոհմի գերբը։
Անձը կարող է ստանալ նաև գենետիկական անձնագիր, որն ամփոփում է նրա գենետիկ հետազոտության արդյունքները։
Մանրամասները՝ տեսանյութում
