Երևանի քաղաքապետարանի օնլայն հարթակում տեղադրված օդի աղտոտվածության մակարդակը չափող սարքերը ցույց են տվել, որ ձմռան ամիսներին պատկերը հուսադրող չէ։
Մի քանի օր առաջ բնապահպաններն ու բժիշկները, այդ թվում՝ Երևանի ավագանու ընդդիմադիր խմբակցություններից, ահազանգում էին, որ հատկապես երբ Երևանում մշուշ է, պետք է դիմակներով ու հակագազով ման գալ, որովհետև կեղտոտ օդը կենտրոնացել է որոշակի տարածքներում։
Երևանի քաղաքապետարանի գործակարգավարական խորհրդակցության ժամանակ Տիգրան Ավինյանին զեկուցեցին, որ օդի աղտոտվածության ցուցանիշը բարձրացել է, նա էլ մեղադրեց «ժամկետանց» ավտոմեքենաներին, որոնք իրենց հետևից ծուխ են թողնում։
Փաստորեն, ամեն քայլափոխի շինհրապարակները, որոնք փոշու, ցեմենտի ամպեր են գոյացնում, օդը չեն աղտոտում, դրանց հետ կապված խնդիր չկա։
Մարդածին աղտոտման դեմ պայքարելու համար Ավինյանն առաջարկեց քառամյա ծրագիր մշակել ու 2 ամիս անց ներկայացնել։
Մանրամասները՝ տեսանյութում.
