Զարեհ Սինանյանը Ցյուրիխում ելույթ է ունեցել հայ համայնքի ներկայացուցիչներրի առջև։ Նրան արձագանքել են վրդովմունքով ու դժգոհությամբ. գրել է Ցյուրիխի հայ համայնքի ներկայացուցիչ Մանուկ Մալխասյանը եւ տեսանյութ հրապարակել:
«Ինչպե՞ս կարելի է դասական սփյուռքահային (ոչ հայաստանցի) պիտակավորել «նախկին» եւ «մերժված»։ Եւ այդ ամենի «պատճառը» Արցախի անմեղ դրոշն էր։ Ստորեւ մի փոքր դրվագ այդ հանդիպումից»,- գրել է նա։
Համայնքի ներկայացուցիչները պատմեցին, որ միջադեպը սկսվել է այն բանից հետո, երբ համայնքի ներկայացուցիչներից Կարո Օհանյանը դահլիճ է մտել Արցախի դրոշը ուսերին գցած: Դա չի վրիպել Սինանյանի ուշադրությունից, որը ասել է, որ «լավ կլիներ Հայստանի դրոշը ուսերիդ գցած գայիր»:
Կարո Օհանյանը հակադարձել է՝ Արցախի դրոշը պարզելով։ Ինչին հետևել է Սինանյանի անզուսպ վարքագիծը։ Նա վիրավորել է սփյուռքահային՝ նրան անվանելով մերժված նախկին։
«Դուք ժողովրդի կողմից մերժված եք, իսկ մենք ժողովրդի կողմից ընտրված ենք, իմացեք»,- ասել է նա:
Համայնքի ներկայացուցիչներն էլ վրդովվել են Սինանյանի պահվածքից, ասել, որ նա պառակտում է Սփյուռքը:
