ԵԱՀԿ Մինսկի խմբի համանախագայության բանակցային գործընթացն Ալիևն ու Փաշինյանը հետևողականորեն տապալել են ու անցել Արևմուտքի հովանավորությամբ ԼՂ հարցի կարգավորմանը, որը բոլորովին կապ չունի ԼՂ խնդրի հետ. ֆեյսբուքյան տեսաուղերձում ասաց Լեհաստանում ՀՀ նախկին դեսպան, քաղաքական գործիչ Էդգար Ղազարյանը։
Միայն համանախագահության ձևափափն է կոչված առաջին հերթին լուծելու ԼՂ կարգավորման գործընթացը և Հայաստան-Ադրբեջան հարաբերությունները։
Արդեն 3 տարի բանակցային գործընթացը ցատկոտելով անցնում է մեկ ռուսական դաշտ, մեկ՝ արևմտյան, ու հայտնի է, որ այս երկու դաշտերը երբևէ ընդհանուր հայտարարի գալ չեն կարող քաղաքական տարբեր դիրքորոշումների պատճառով։
Ասպարեզ է նետվել անկլավների հարցը, որը իշխանական օղակները դեռ երկու օր առաջ համարում էին փակված թեմա, այնինչ Ալիևն ամեն օր է պահանջում վերադարձնել «ադրբեջանական անկլավները»։
«Գրանադայում Փաշինյան-Մակրոն-Միշել-Շոլց հանդիպման հայտարարության մեջ մի կետ կա, ըստ որի՝ Մակրոնը, Միշելն ու Շոլցը կարևորում են Հայաստանի անկախությունը, ինքնիշխանությունը և տարածքային ամբողջականությունը։ Ինչո՞ւ են այս երեքը հենց Հայաստանի վերաբերյալ շեշտադրումներ անում, որովհետև Հայաստանի անկախությունը, ինքնիշխանությունն ու տարածքային ամբողջականությունը վտանգված են։ Հայաստանի Անկախության հռչակագրի հաստատումից ի վեր՝ դեռ ոչ մի երկրի ղեկավար, միջազգային կառույց այսպիսի հայտարարություն չէր արել, ընդհակառակը՝ խոսել են Ադրբեջանի ինքնիշխանությունը, անկախությունն ու տարածքային ամբողջականությունը կարևորելու մասին»,- նշեց Էդգար Ղազարյանը։
Մանրամասները՝ տեսանյութում.
