Հայաստանի 6-րդ միջազգային բժշկական համագումարի մասնակիցներն ուղիղ տեսակապով միացել են Արցախ՝ նախկին պետնախարար Ռուբեն Վարդանյանի հետ։
Համագումարի մասնակից տեղացի և Սփյուռքի բժիշկներին Ռուբեն Վարդանյանը պատմել է Արցախի մասին։ Սնունդ, դեղորայք, կենսական տարրական պայմաններ չկան, բայց Արցախին դրանք չեն ընկճում։ Արցախցիներին են հասնում Հայաստանի արձագանքները, որոնց հեղինակներն իշխանություններն են՝ Արցախը գլխացավանք է, Արցախից ազատվենք, Հայաստանը խաղաղ կապրի։
Ռուբեն Վարդանյանը համոզմունք է հայտնել, որ Արցախի զարգացման բազմաշերտ ծրագրերով պետք է արցախցուն պահել իր հողում, ինքնավստահություն, վաղվա օրվա նկատմամբ հավատ ներշնչել նրան։
Ռուբեն Վարդանյանը շարժում է ստեղծել, որը 77 ուղղություններով աշխատում է Արցախում՝ առողջապահական, կրթական, գյուղատնտեսական միջոցառումներով ջանում Արցախը պահել-պահպանել, ամրացնել Արցախի դիրքերը և Ադրբեջանից եկող ճնշումներին դիմակայել։
Փրկության միակ տարբերակն ընդդիմանալն է, Արցախը մեր արմատներից մեկն է, որը մեզ հայ է պահում . ասաց Ռուբեն Վարդանյանը։
Մանրամասները՝ տեսանյութում
