Հող հանձնել, հող հանձնել, հող հանձնել. նման հարցադրում ինձ մի կատարեք. ԶՈՒ ԳՇ պետ Էդվարդ Ասրյանն այսօր լարված էր լրագրողների հետ զրույցում։ Հող հանձնելու մասին հարցը նրա լարվածությունն ավելի մեծացրեց։
Ես ունեմ աշխարհագրական քարտեզներ, որոնց վրա արտացոլված է սահմանը։ Այդ սահմանի ներսում, դրսում քաղաքացիական անձը կամ իրավաբանական կառույցն ունի համապատասխան հողամաս, տուն, շինություն, դա ԶՈՒ-ի գործունեությունը չի։
Լրագրողները հարցրին՝ երբ ադրբեջանական զինուժը մտավ ՀՀ սուվերեն տարածք, հայտարարեցիք, թե մի քանի օր կմնան, կսովածանան, կգնան։ Ինչո՞ւ մինչև հիմա չեն գնացել։
Ասրյանը վրդովված պատասխանեց. «Լավ եմ արել, ասել եմ, դուք անձամբ զենք վերցրեք, եկեք իմ կողքը կանգնեք, միասին գնանք։ Լսի տես քեզ ինչ եմ ասում, մի հրահրեք ինձ, ճանապարհ տվեք»,- բարկացավ Ասրյանն ու առանց հարցին պատասխանելու՝ հեռացավ։
