Եթե ես քննադատում եմ ՀՀ իշխանություններին, դա չի նշանակում, որ կողմ չեմ խաղաղությանը, չեմ ուզում,որ մենք խաղաղ համագոյակցենք Ադրբեջանի հետ. Ադրբեջանի նկատմամբ ՀՀ իշխանությունների անդադար զիջողական քաղաքականության մասին իր կարծիքը հայտնելով՝ ասել է Գերմանիայի Հայոց թեմի առաջնորդ Տեր Սերովբե եպիսկոպոս Իսախանյանը։
«Ես տեսնում եմ, որ մեր ազգային շահերը նկատի չեն առնվում, որ մենք անընդհատ զիջողի դերում ենք, և ոչ թե փոխզիջողական քաղաքականություն է վարվում։
Ես չեմ հասկանում, թե Ադրբեջանը ի՞նչ է զիջել մինչև հիմա, մինչդեռ մենք զիջում ենք, զիջում ենք, շարունակում ենք զիջել։
Ես հասկանում եմ, որ մենք պարտվել ենք, իսկ նրանք՝ հաղթել, բայց պետք է հասկանանք՝ մեր զիջումների կարմիր գծերը մինչև որտե՞ղ են, մինչև որտեղ պետք է կարողանանք մեզ թույլ տալ նահանջել»,- ասել է Սրբազանը։
Մանրամասները՝ տեսանյութում։
