Տիգրան Ավինյանը պնդում է, որ ինքն ընտրված քաղաքապետ է։ Թեև երևանցիները նրան չեն ընտրել, բայց ընտրել է ավագանին։
Ավագանի անցած քաղաքական 5 ուժերից նրան ձայն են տվել հարազատ Քպ-ն ու հարազատ դարձած «Հանրապետությունը»։
Իսկ «Հանրապետություն» կուսակցությանը ձայն տվածները, պարզ է, որ Տիգրան Ավինյանին չէին տեսնում Երևանի քաղաքապետ։
Երդմնակալության արարողությանը լրագրողների մուտքն արգելված էր։ Ներկա էր իշխանական ամբողջ համակարգը՝ իր ղեկավարի գլխավորությամբ, նաև որոշ դեսպաններ։
Երդմնակալության արարողությունից հետո հրավիրվել էր ճեպազրույց հենց քաղաքապետարանի դռների մոտ՝ ոտքի վրա։
Իրավունք ունենք ենթադրելու, որ երդմնակալությանը լրատվամիջոցները հրավիրված չէին, որպեսզի ոչ ցանկալի հարցազրույցներ քաղաքական վերնախավի հետ չլինեին, իսկ ճեպազրույցը ոտքի վրա էր (չնայած որ Երևանի քաղաքապետարանը բազմաթիվ սրահներ ու սենյակներ ունի, այդ թվում՝ ասուլիսների համար), որպեսզի ամեն ինչ կարճ կապեին, շատ հարցեր չտրվեին։
Ինչևէ, Տիգրան Ավինյանը անգամ ոտքի վրա ճեպազրույցի ժանմանակ չկարողացավ խուսափել քաղաքական հարցերից։
Մանրամասները՝ տեսանյութում.
