Իրենք են միտումնավոր զանգել ու սադրանքն իրականացրել․ Թաղապետը միտումնավոր է սադրել, որ ես ՇՄԱԳ-ի նիստին չմասնակցեմ. հայտարարեց ակտիվիստ Արթուր Չախոյանը։
Նոր Նորքի թաղապետին Ավինյանն աշխատանքից չի հանել, որովհետև նրան շանտաժ են արել. կարծում է նա։ «Հանրապետություն» կուսակցությունն անմիջապես սկսեց Նոր Նորքի իրենց կուսակից թաղապետին պաշտպանելու գործընթացը՝ ընդհուպ սպառռնալով, որ եթե Ավինյանը Տիգրան Տեր-Մարգարյանին աշխատանքից ազատի, իրենք էլ վայր կդնեն լիազորությունները։
Այսինքն՝ շանտաժ. վայր կդնենք մանդատները, կսկսվի քաղաքական ճգնաժամ, որին կհետևեն արտահերթ ընտրություններ, ու Տիգրան Ավինյանը դժվար թե նորից դառնա քաղաքապետ։
Ակտիվիստ Արթուր Չախոյանը հայտարարեց, որ այս իշխանության իրականացրած կոռուպցիան բացահայտվում է, բայց պատժվում են բացահայտողները։
Պետությունունն ու պետության ինքնիշխանությունն են պաշտպանում. Արթուր Չախոյանի նկատմամբ բռնությունը իշխանության տարբեր ներկայացուցիչներ այսպես են բացատրում։
Չախոյանի կարծիքով՝ իշխանությունները պետք է շահագրգռված լինեն, որ կոռուպցիան, չարաշահումները բացահայտվեն, մեղավորները պատժվեն։ Նոր Նորքի թաղապետը ստորագրել է փաստաթղթեր, որտեղ ակնհայտ կոռուպցիա կա։
Փաշինյանն էլ արդարացրեց ծեծողներին՝ ասելով, թե մարդկանց նյարդերը կարող են տեղի տալ։
Այսինքն՝ կոռուպցիան, չարաշահումը, գումարների վատնումը բացահայտվել են, ու փոխանակ թաղապետին պատասխանատվության ենթարկեն, դեռ մի բան էլ նրան պաշտպանում են։ Եթե իշխանության գլուխ կանգնածն է պաշտպանում մարդ ծեծողին, ուրեմն դատաիրավական համակարգի անաչառ գնահատականին սպասելն անիմաստ է։
Մանրամասները՝ տեսանյութում.
